راولپنڈی۔3فروری (اے پی پی) بلوچستان دے علاقے نوشکی اتے پنجگور اچ سکیورٹی فورسز دی کارروائیاں، 13 دہشت گرد ماریے گئے۔ پاک فوج دے شعبہ تعلقات عامہ (آئی ایس پی آر) دے مطابق گزریل رات پنجگور اتے نوشکی اچ دہشت گرداں دے حملے کوں کامیابی نال پسپا کرݨ دے بعد سکیورٹی فورسز علاقے اچ لُکے دہشت گرداں دی ڳول کیتے کلئرنس آپریشن کیتا۔ نوشکی اچ سکیورٹی فورسز ٻئے پںج دہشت گرداں کوں ہلاک کیتا جئیں دے بعد نوشکی اچ مارے ڳئے دہشت گرداں دی تعداد نو تھی ڳئی۔ ایں حملے کوں پسپا کریندیں ہوئیں ہک افسر سودھے چار بہادر سکیورٹی اہلکار شہید تھی ڳئے۔ پنجگور اچ ٻھجݨ آلے دہشت گرداں دے خاتمے کیتے سکیورٹی فورسز دا آپریشن جاری اے۔ پنجگور اچ ہݨ تئیں چار دہشت گرد مارے ڳئن اتے چار پنڄ کوں سکیورٹی فورسز گھیرے اچ ڳھن ڳھدے۔ لڑائی اچ ترائے سکیورٹی اہلار شہید اتے چار زخمی تھین۔ آئی ایس پی آر دے مطابق ابتدائی تحقیقات دے مطابق انٹیلی جنس ایجنسیاں دہشت گرداں اتے افغانستان اتے بھارت اچ انہاں دے ہینڈلز وچال رابطیاں دا سراغ لاتے۔
نوشکی اتے پنجگور اچ سکیورٹی فورسز دی کارروائیاں، 13 دہشت گرد ماریے گئے
مضمون کا ماخذ : Raging Rhino
متعلقہ مضامین
