اسلام آباد۔3فروری (اے پی پی):قومی سلامتی دے مشیر ڈاکٹر معید یوسف وزیراعظم پاکستان دے دورہ چین کوں ݙوہیں ملکاں کیتے اہمیت دا حامل قرار ݙیندے ہوئیں آکھیے جو ایں دوران ݙوہیں ملکاں دی قیادت وچال افغانستان دے حوالے نال وی وسیع ڳال مہاڑ کیتی ویسی ۔ وزیراعظم دے دورہ چین دے حوالے نال ڳال مہاڑ کریندے ہوئیں انہاں آکھیے جو پاکستان تے چین کیتے اے انتہائی اہم دورہ اے، ایں دورے اچ پاکستانی اتے چینی قیادت وچال افغانستان دے حوالے نال وی تفصیلی ڳال مہاڑ تھیسی انہاں آکھیے جو افغانستان توں امریکی فوج دے انخلاء دے بعد پرامن اتے مستحکم افغانستان پاکستان کیتے ٻہوں اہمیت رکھیندے ۔ ڈاکٹر معید یوسف آکھیے جو سی پیک دے ذریعے علاقائی رابطہ ھک وݙا موقع اے اتے اے دورے دے دوران ڳال مہاڑ دا اہم عنصر ہوسی ۔ انہاں آکھیے جو دورہ چین دے دوران پاک – چین وفد وچال اہم علاقائی امور تے وی ڳال مہاڑ تھیسی ۔
وزیراعظم دے دورہ چین اچ ݙوہیں ملکاں دی قیادت وچال افغانستان دے حوالے ںال وی تفصیلی ڳال مہاڑ تھیسی ، قومی سلامتی دے مشیر ڈاکٹر معید یوسف
مضمون کا ماخذ : کنگ کانگ روش
متعلقہ مضامین
