قومی صحت کارڈ فلاحی ریاست آلے پاسے ہک انقلابی قد م اے، اڄوکی حکومت قانون دی بالادستی دی فلاحی ریاست ٻݨاوݨ کیتے کوشش کریندی پئی اے، وزیراعظم عمران خان دا بہاولپور اچ قومی صحت کارڈ اجرا دی تقریب توں خطاب

بہاولپور ۔1فروری (اے پی پی) وزیراعظم عمران خان آکھیا جو قومی صحت کارڈ فلاحی ریاست آلے پاسے ہک انقلابی قد م اے، اڄوکی حکومت قانون دی بالادستی دی فلاحی ریاست ٻݨاوݨ کیتے کوشش کریندی پئی اے۔ قومی صحت کارڈ نال صحت دے شعبے اچ انقلاب امسی۔ اے سہولت دنیا دی ترقی یافتہ ملکاں اچ وی کائنی، ملک اچ کرپشن دے خاتمے ، قانون دی بالادستی اتے فلاحی ریاست ٻݨاوݨ کیتے ساری قوم کوں نال تھیوݨا پمسی۔ جنوبی پنجاب سیکرٹریٹ اڄوکی حکومت ولوں جنوبی پنجاب دی عوام نال کیتے ڳئے وعدے دی تکمیل اے۔ او منگلوں بہاولپور ڈویژن اچ نیا پاکستان قومی صحت کارڈ دے اجرا دی تقریب توں خطاب کریندے پئے ہن۔ تقریب توں وزیراعلیٰ پنجاب عثمان بزدار، وفاقی وزیر مخدوم خسرو بختیار وی خطاب کیتا۔ وزیراعظم ایں موقع تے بہاولپور ڈویژن دے مختلف علاقیاں توں تعلق رکھݨ آلے لوکاں اچ صحت کارڈ تقسیم کر تے اجرا کیتا۔ قومی صحت کارڈ دا اجراء خیبر پختونخوا، پنجاب، اسلام آباد، ضلع تھر پارکر، گلگت بلتستان اتے آزاد جموں و کشمیر اچ تھی ڳئے۔ بہاولپور ڈویژن اچ شامل اضلاع رحیم یار خان، بہاولپور اتے بہاولنگر دے ہک کروڑ پنڄ لکھ توں ودھ لوکاں دی شمولیت دے بعد پنجاب اچ قومی صحت کارڈ توں فائدہ چاوݨ آلے اہل گھراں اتے لوکاں دی تعداد 63 فیصد ودھ ویسی۔ وزیراعظم خطاب کریندیں ہوئیں آکھیاجو اٹھاراں سال دی عمر اچ برطانیہ اچ ہک فلاحی ریاست کوں ݙٹھا ہئی۔ انہاں آکھیا جو نبیۖﷺ سارے انساناں کیتے رحمت بݨ تے آئے، انہاں دی سنت تے جیڑھا وی چلسی اتھوں برکت امسی۔ برطانیہ ،ناروے سودھے بئے ملک فلاحی ریاستاں ہن، مسلم دنیا اچ کوئی ہک ملک وی ایجھا کائنی جتھاں حقیقی فلاحی ریاست ہووے۔ انہاں آکھیا جو صحت اتے تعلیم دے شعبے اچ پیسہ خرچ تھیندے۔ انہاں آکھیا جو دنیا دے کہیں وی ملک اچ یونیورسل ہیلتھ کوریج کائنی، ترقی یافتہ ملکاں اچ لوک ہیلتھ انشورنس دے پیسے ݙیندن، اساں پورے پاکستان کوں مفت اے سہولت ݙیندے پیوں۔ انہاں آکھیا جو ہݨ سرکاری ہسپتالاں اچ وی ڈاکٹراں توں پچھ ڳچھ تھیسی۔ ایں نال سارے صحت دے شعبے اچ انقلاب امسی۔ ملک دی تاریخ اچ پہلی واری پنجاب حکومت صحت کارڈ تے چار سو ارب روپے خرچیندی پئی اے۔ وزیراعظم آکھیا جو اساݙا ملک سارے وسائل ہووݨ دے باوجود ترقی کیوں نی کر سڳیا، ایں دی وجہ اقتدار تے ڈاکواں دا قبضہ ہووݨ اے۔ انہاں آکھیا جو قومی صحت کارڈ فلاحی ریاست آلے پاسے ہک انقلابی قد م اے، اڄوکی حکومت قانون دی بالادستی دی فلاحی ریاست ٻݨاوݨ کیتے کوشش کریندی پئی اے۔ قومی صحت کارڈ نال صحت دے شعبے اچ انقلاب امسی۔ اے سہولت دنیا دی ترقی یافتہ ملکاں اچ وی کائنی، ملک اچ کرپشن دے خاتمے ، قانون دی بالادستی اتے فلاحی ریاست ٻݨاوݨ کیتے ساری قوم کوں نال تھیوݨا پمسی۔ جنوبی پنجاب سیکرٹریٹ اڄوکی حکومت ولوں جنوبی پنجاب دی عوام نال کیتے ڳئے وعدے دی تکمیل اے۔