اسلام آباد۔30جنوری (اے پی پی):پاکستان اتے افغانستان سرحدی کراسنگ پوائنٹس تے سہولتاں کوں ودھاوݨ کیتے قومی سطح تے رابطہ کاری دا طریقہ کار دی تشکیل ،بارٹر ٹریڈ شروع کرݨ تے اتفاق کیتے جݙاں جو پاکستان افغانستان کوں صحت، تعلیم، بینکنگ، کسٹمز، ریلوے اتے ہوابازی سودھے ٻہوں سارے شعبیں اچ استعداد کار اچ ودھارا تے ٹریننگ اچ تعاون دی پیشکش کیتی اے ۔ اتوار کوں قومی سلامتی کمیٹی دے دفتر توں جاری پریس ریلیز موجب پاکستان دے قومی سلامتی دے مشیر وافغانستان دے بین الوزارتی رابطہ سیل دے رلے ڈاکٹر معید یوسف ہفتہ اتے اتوارکوں کابل دا دورہ کیتے ۔دورے دا مقصد افغان قیادت نال ملک دی انسانی ضرورتاں تے افغانستان کوں پیش آندے موجودہ چیلنجز تے قابو پاوݨ کتیے اقتصادی مصروفیات کوں مستحکم کرݨ کیتے پاکستان دی تجاویز تے ڳال مہاڑ کرݨ ہئی ۔خصوصی ایلچی افغانستان سفیر محمد صادق اتے متعلقہ وزارتاں دے اعلیٰ حکام وفد دا حصہ ہن۔ݙو ݙینھ دے دورے دے دوران قومی سلامتی کمیٹی افغانستان دے قائم مقام نائب وزیر اعظم ملا عبدالسلام حنفی اتے قائم مقام وزیر خارجہ ملا امیر خان متقی نال ملاقات کیتی جیں دا مقصدافغانستان دی موجودہ صورتحال اتے ݙوہیں ملکاں وچال ݙو طرفہ تعلقات کوں مضبوط بݨاوݨ تے ڳال مہاڑ کرݨی ہئی ۔ڈاکٹر معید یوسف ٻئے متعلقہ افغان وزراء اتے انسانی تے اقتصادی مسئلیں نال نبݨݨ کیتے اعلیٰ حکام نال وفد دی سطح تے ملاقاتاں وی کیتیاں ۔
پاکستان اتے افغانستان دا سرحدی کراسنگ پوائنٹس تے سہولتاں کوں ودھاوݨ کیتے قومی سطح تے رابطہ کاری دے طریقہ کار دی تشکیل اتے بارٹر ٹریڈ شروع کرݨ تے اتفاق
مضمون کا ماخذ : نتیجہ ڈوپلا سینا
متعلقہ مضامین
