اسلام آباد۔8جنوری (اے پی پی):وفاقی وزیر داخلہ شیخ رشید احمد آکھیے جو مری اچ پتھے سیاحواں کوں محفوظ جاہ تئیں پڄاوݨ کیتے پاک آرمی، ایف سی اتے رینجرز طلب کر ڳھدے ،برفباری اچ پتھے سیاحواں کوں کڈھݨ کیتے پوری رات آپریشن جاری رہیا مگر ایندے باوجود 16توں 19لوکاں دی گاݙی اے اندر موت واقع تھئی اے ،مری ونڄݨ آلے سارے داخلی رستے بندکرݙتے ڳئن ،مقامی لوکاں توں اپیل اے جو او برفباری اچ پتھے لوکاں کوں خوراک اتے کمبل ݙیون ۔ہفتے کوں مری اچ میڈیا نال ڳال مہاڑ کریندےہوئیں شیخ رشید احمد آکھیے جو ضلعی انتظامیہ اتے پولیس دے اعلیٰ افسران دی نگرانی اچ سیاحواں کوں محفوظ جاہ تے منتقل کیتا ویندا پئے ، انہاں ݙسایا جو گزریل پندرہ توں 20 سال بعد شہریاں دی ھک وݙی تعداد برفباری دے سیزن اچ مری تے گلیات دارخ کیتے اتے پوری رات آپریشن جاری رہݨ دے باوجود 16توں 19 لوک موت داشکار تھئن انہاں آکھیے جو آپریشن دے دوران برفباری اچ پتھی ھک ہزار گاݙیاں کوں کڈھیا ڳئے اتے شام تئیں مزید ھک ہزار گاݙیاں کوں برفباری توں کڈھ ڳھدا ویسی ، انہاں ݙسائے جو پنجاب حکومت تےاسلام آباد دی ضلعی انتظامیہ ولوں پوری رات آپریشن جاری رہیا اتے اڄ پاک آرمی،رینجرز اتے ایف سی دے نوجواناں کوں وی سݙ ڳھدا ڳئے تاں جو برفباری اچ پتھے سیاحواں کوں خوراک ،گرم کپڑے ݙیوݨ دے نال نال برفباری توں ٻاہر کڈھیا ونڄ سڳئے ، انہاں آکھیے جو شہری ݙو ݙینھ کیتے مری دا رخ نہ کرن کیوں جو اتوار دی شام تئیں مری ونڄݨ آلے سارے داخلی رستے بند کرݙتے ڳئن۔
مری اچ پتھے سیاحواں کوں محفوظ جاہ تئیں پڄاوݨ کیتے پاک آرمی، ایف سی اتے رینجرز طلب کر ڳھدے ، شیخ رشید احمد
مضمون کا ماخذ : Loteria Instantânea
متعلقہ مضامین
