اسلام آباد۔18دسمبر (اے پی پی) وزیر خارجہ مخدوم شاہ محمود قریشی آکھیا جو پاکستان تاپی گیس پائپ لائن منصوبے دے جلدی پورا تھیوݨ اتے وسطی ایشیا ریاستاں نال دیر پا تعلقات چاہندے۔ اے ڳالھ انہاں ترکمانستان دے آپݨے ہم منصب راشد میرودوف نال ڳالھ مہاڑ کریندیں ہوئیں آکھی جنہاں او آئی سی وزرائے خارجہ کونسل دے غیر معمولی اجلاس دے موقع تے ہفتے کوں وزارت خارجہ اچ انہاں نال ملاقات کیتی۔ ملاقات اچ ݙوپاسہ تعلقات، علاقای صورتحال سودھے آپسی دلچسپی دے معاملیاں دے ڳالھ مہاڑ کیتی ڳئی۔ وزیر خارجہ او آئی سی وزرائے خارجہ کونسل دے غیر معمولی اجلاس اچ شرکت کیتی پاکستان تشریف گھن آوݨ تے ترکمانستان دے وزیر خارجہ دا شکریہ اد اکیتا۔ ترکمانستان دے وزیر خارجہ پر خلوص میزبانی تے وزیر خارجہ مخدوم شاہ محمود قریشی دا شکریہ ادا کیتا۔
مضمون کا ماخذ : عمومی کلیدی الفاظ
