اسلام آباد۔7اکتوبر (اے پی پی):وفاقی وزیر اطلاعات و نشریات چوہدری فواد حسین آکھیے جو فری فائر پاکستان لیگ ٹورنامنٹ توں ای سپورٹس کوں ودھارا تھیسی ، نینگر ای سپورٹس اچ عالمی سطح تے پاکستان دا ناں روشن کریسن ، پاکستانی نینگراں اچ ای سپورٹس کلچر کوں مزید ودھارا ݙیوݨ دی لوڑھ اے ، اے ڳال انہاں فری فائر پاکستان لیگ دے فائنل مقابلیں اچ حصہ گھنݨ آلیاں 12 ٹیماں دے لیڈرز نال ملاقات کریندے ہوئیں آکھی اے ۔ چوہدری فواد حسین آکھیے جو ملک اچ پہلی واری قومی سطح تے ای سپورٹس دا انعقاد خوش آئند اے۔ انہاں آکھیے جو فری فائر پاکستان اچ تھیوݨ آلا پہلا ای سپورٹس ٹورنامنٹ اے، جیویں جیویں اساں اڳوں ودھسوں ایندے ثمرات آوݨ شروع تھیسن ۔ چوہدری فواد حسین آکھیے جو کورونا وباء دے دوران پاکستانی نینگراں کوں ای سپورٹس دی صورت اچ ھک وݙا موقع ملیے ، پاکستانی ٻال ہݨ ای سپورٹس اچ حصہ گھن تے وݙے انعام جت سڳدن ، انہاں آکھیے جو گیرینا دنیا دی مشہور کمپنی اے جیڑھی بیگو دے تعاون نال پاکستان اچ فری فائر قومی ٹورنامنٹ دا انعقاد کریندی پئی اے ، فری فائر گیم اچ ھک کروڑ روپے تئیں دے انعام ہن ، قومی سطح دے مقابلیں اچ جتݨ آلی ٹیم عالمی سطح تے تھیوݨ آلے مقابلے اچ حصہ گھن سڳسی ۔ چوہدری فواد حسین آکھیے جو کھیݙاں اچ دلچسپی رکھݨ آلے ٻالاں کنے موقع اے جو او گھٹ عمر اچ وݙی رقم جت سڳدن ۔ملاقات اچ قومی سطح دے فائنل مقابلیں اچ شرکت کرݨ آلی 12 ٹیماں دے ٹیم لیڈرز سودھے بیگو دے جنوبی ایشیا دے ریجنل ہیڈ جان ژانگ اتے ٻئے نمائندے وی موجود ہن ،وفاقی وزیر اطلاعات چوہدری فواد حسین فری فائر گرینڈ فائنل ایونٹ اچ حصہ گھنݨ آلیاں ساریاں ٹیماں دیاں جرسیاں تے دستخط کیتے تے انہاں کیتے نیک خواہشات دا اظہار کیتے ۔
فری فائرپاکستان لیگ ٹورنامنٹ توں ای سپورٹس کوں ودھارا تھیسی ، وفاقی وزیر اطلاعات چوہدری فواد حسین
مضمون کا ماخذ : apostas quina
متعلقہ مضامین
