اسلام آباد۔7جولائی(اے پی پی)صدر مملکت ڈاکٹر عارف علوی آکھیے جو بھارت پاکستان دے خلاف ہائبرڈ جنگ اچ ملوث اے جیندے کیتے افغانستان دی سرزمین وی استعمال کریندا پئے، افغان جنگ دے پاکستان تے ٻہوں منفی اثرات پین، سی پیک نال بلوچستان اچ ترقی دیاں نویاں راہیں کھلسن اتے علاقائی تجارت ودھسی۔ اے ڳالھ انہاں بلوچستان بارے نیشنل ورکشاپ نال خطاب اچ آکھی۔ صدر مملکت آکھیے جو سی پیک ہک اہم پیش رفت اے، وسطی ایشیائی ممالک کوں آپݨی تجارت ودھاوݨ کیتے پاکستان دے رستے بحیرہ عرب تئیں رسائی ملسی، بلوچستان اچ ماہی گیری دے شعبے کوں ترقی ݙیوݨ دی لوڑھ اے۔ صدر ڈاکٹر عارف علوی آکھیے جو خطے اچ امن کیتے طالبان کوں افغانستان اچ مفاہمت اتے مصالحت اپناوݨی چاہیدی اے۔
مضمون کا ماخذ : سامرائی کی خوش قسمتی۔
