اسلام آباد۔2جولائی (اے پی پی) صدر مملکت ڈاکٹر عارف علوی آکھیا جو کراچی کوں پاݨی دی فراہمی دے سارے منصوبے ویلھے تے پورے کیتے ونڄن۔ اے ڳالھیں انہاں کراچی اچ پاݨی دی صورتحال تے اجلاس نال خطاب کریندیں ہوئیں آکھی۔ اجلاس اچ کراچی اچ پاݨی دی گھٹکی دے حل سانڳے مختلف تجویزاں دا جائزہ ڳھدا ڳیا۔ اجلاس کوں پاݨی بارے جاری منصوبیاں تے تھیوݨ آلی پیش رفت بارے وی ݙسیا ڳیا۔ اجلاس اچ وفاقی وزیر برائے توانائی وپٹرولیم حماد اظہر، ممبر سندھ اسمبلی فردوس شمیم نقوی،سی ای او حبکو، کامران کمال اتے ٻئے اعلیٰ حکام شرکت کیتی۔ اجلاس اچ گورنر سندھ عمران اسماعیل اتے ممبر سندھ اسمبلی سمر خان آن لائن شرکت کیتی۔ اجلاس نال خطاب کریندیں ہوئیں صدرمملکت آکھیا جو کراچی دے شہریاں کوں ہر ݙینھ 1100 توں 1200 ملین گیلن پاݨی دی لوڑھ اے۔ کراچی کوں پاݨی دی فراہمی دے سارے منصوبے ویلھے تے پورے کیتے ونڄن۔
کراچی کوں پاݨی دی فراہمی دے سارے منصوبے ویلھے تے پورے کیتے ونڄن، صدرمملکت ڈاکٹر عارف علوی دا کراچی اچ پاݨی دی صورتحال تے اجلاس نال خطاب
مضمون کا ماخذ : sorteos dupla sena
متعلقہ مضامین
