اسلام آباد۔22جون(اے پی پی)وزیر خارجہ مخدوم شاہ محمود قریشی بھارتی سرکار کوں کھلا چیلنج ݙیندے آکھیے جو او مقبوضہ کشمیر اچ اپݨے 5 اگست 2019 دے یکطرفہ اقدامات تے پورے ڄق اچ کشمیریاں دی رائے ڳھنݨ کیتے “آزادانہ ریفرنڈم” کرا ڳھنے، کشمیری جو فیصلہ کرن او منیا ونڄے، کشمیری بھارت دے غیر قانونی اقدامات تے ہک مٹھ ہین اتے ایندے تے سراپا احتجاج ہین،بھارت دا کشمیر تے کانفرنس سݙاوݨ ݙسیندے جو کڄھ وی ٹھیک کائنی۔ ہک بیان اچ انہاں آکھیا جو افغانستان دی داخلی صورت حال تشویشناک اے جتھاں کوئی اتحاد نئیں ݙسدا، ڈاکٹر عبداللہ عبداللہ دیس وچ ڄاݨ تے میکوں ٻہوں ݙکھ لڳے، افغانستان دے اڄوکے حالات اچ آرمی چیف، وزیر دفاع اتے وزیر داخلہ دا وٹاوݨ ݙسدے جو افغان قیادت آپ وی مطمئن کائنی، مذاکرات دے طریقہ کار تے وی اتفاق نئیں تھیا،جیکر امریکی فوج دے ونڄݨ توں بعد طاپبان نال مذاکرات نہ تھئے تان ایندے نال وݙا نقصان تھیسی۔ شاہ محمود قریشی آکھیے جو حکومت ٻہوں اوکھے فیصلے کیتن بھل ایندے چنڳے اثرات پین، تاجر، سرمایہ کار، صنعت کار اتے کاشتکار نویں بجٹ تے مطمئن ہین جو انہاں کوں امید ݙسدی پئی اے، امید اے جو گرے لست توں وی نکل ویسوں۔
وزیر خارجہ شاہ محمود قریشی دا بھارتی سرکار کوں مقبوضہ جموں و کشمیر اچ یکطرفہ اقدامات بارے آزادانہ ریفرنڈم دا چیلنج
مضمون کا ماخذ : لاٹری آن لائن خریداری
متعلقہ مضامین
