اسلام آباد۔23جون (اے پی پی):سائینو ویک دیاں 20 لکھ مزید خوراکاں پی آئی اے دے خصوصی طیارے دے ذریعے اسلام آباد پڄ ڳئن جنہاں کوں وختی بئے صوبیں دے ویکسین مرکز اچ پڄایا ویسی ۔ نیشنل کمانڈ اینڈ آپریشن سنٹر (این سی او سی) موجب ویکسین دیاں اے خوراکاں چین دی پاکستان دے نال لازوال دوستی دے تحت کیتے ڳئے معاہدے تے عملدرآمد کریندے ہوئیں گھن آئیاں ڳئن ۔ این سی او سی دے زیرنگرانی این ڈی ایم اے بین الاقوامی مارکیٹ توں ویکسینز مل گھنݨ دے عمل کوں وی ݙیکھدا پئے ۔ ویکسین دیاں اے خوراکاں سارے صوبیں اچ قائم شدہ ویکسین سینٹرز تے پڄائیاں ویسن جیں کیتے پہلے توں حکومت پاکستان انتظامات کر رکھئن۔سائنو ویک دی ایں کھیپ دی آمد دے نال پورے ملک اچ عوام کوں روزانہ لاتی ونڄݨ آلی اوسطاً خوراک اچ خاطر خواہ ودھارا تھیسی تے ودھ توں ودھ لوک وبائی مرض دے خلاف ویکسین لوا سڳسن۔
مضمون کا ماخذ : میٹھا بونانزا
