اسلام آباد۔10جون (اے پی پی):اجوکے مالی سال 2021کیتے پاکستان دی معیشت اچ ریکارڈ 3.94فیصد ترقی تھئی اے مالی سال 2019اچ معاشی شرح نمو 2.08فیصد جݙاں جو مالی سال 2020کیتے منفی 0.47رہی ہئی ۔ اقتصادی جائزہ رپورٹ برائے مالی سال21-2020دے مطابق جاری مالی سال اچ زراعت دے شعبہ اچ 2.8فیصد جݙاں جو صنعت دے شعبہ اچ 3.6فیصد اتے خدمات دے شعبہ اچ 4.4فیصد دی شرح نمو پاروں قومی معشیت دی مجموعی شرح ترقی3.94فیصد تئیں ودھ ڳئی ۔ رپورٹ موجب کووڈ 19-دے اثرات تے قابو پاوݨ دے حوالے نال حکومت دے وختی اقدامات توں قومی معشیت تے خوشگوار اثرات مرتب تھئن۔ واضح رہے جو وفاقی حکومت دے 1.24کھرب روپے دے مالی پیکج نال معیشت کوں سدھے پاسے ٹورݨ اچ مدد ملی اے ۔ ایندے علاوہ رہائش زراعت صنعت اتے برآمدات وغیرہ دے شعبیں کیتے خصوصی مراعات دے پیکجز نال معاشی حالات بہتر تھئن۔
مضمون کا ماخذ : estratégias loteria وفاقی
