فیصل آباد ۔6جون(اے پی پی)وزیر مملکت اطلاعات و نشریات فرخ حبیب آکھیے جو اقوام متحدہ دے ادارہ خوراک و زراعت عالمی سطح تے کھاوݨ پیوݨ دیاں شئیں دیاں قیمتاں ودھݨ بارے اپݨی رپورٹ ݙتی اے جیندے اچ ݙسایا ڳئے جو اناج دا ملھ 40 فیصد، ویجیٹیبل آئل 124 فیصد، ڈیری 28 فیصد، گوشت 10 فیصد، کھنݙ 57 فیصد، پاکستانی فوڈ کنزیومر پرائس انڈیکس اچ 9 فیصد ودھارا تھئے، 2013 توں 2018 ن لیگ واردات سٹ تے ڳئی ہئی، 35 فیصد مہانگے بجلی گھراں دا بھار عوام بھگتدے پین۔ انہاں آکھیا جو وزیراعظم کئی واری پٹرول دیاں قیمتاں ودھاوݨ سانڳے اوگرا دیاں سفارشات مسترد کر تے عوام کوں ریلیف ݙتے، تنخواہ دار طبقے تے کوئی نواں ٹیکس نئیں لڳدا پیا، پرچی چیئرمین اتے جی جی بریگیڈ معاشی اشاریاں تے وی کوڑ مریندے پین۔ انہاں آکھیا جیکر ڈبلیو ایچ او یا کوئی وی رپورٹ آوے تاں اپوزیشن شور مچا ݙیندی اے بھل اقوام متحدہ دے ادارہ خوراک و زراعت دی رپورٹ تے اپوزیشن چپ اے بھل انٹرنیشنل میڈیا ایکوں ٻہوں کوریج ݙتی اے۔ فرخ حبیب آکھیا جو حکومت دی مھنت نال کرونا دے باوجود شرح نمو 4 فیصد تے ترقی کریندی پئی اے، ایں سال ایف بی آر ریکارڈ 4 ہزار 170 ارب روپے ٹیکس کٹھا کیتے اتے حکومت 216 ارب روپے دا ریکارڈ ریفنڈز کیتے اتے ملک دی مجموعی معاشی شرح نمو اچ 33 بلین ڈالر ودھارا تھئے، ایویں پی ترسیلات زر وصولیاں 29 فیصد ودھارے نال پہلے 10 مہینے اچ 24 ارب ڈالر توںو دھ ڳین، زرعی اجناس دی وی ریکارڈ پیداوار تھئی اے۔
وزیراعظم کئی واری پٹرول دیاں قیمتاں ودھاوݨ سانڳے اوگرا دیاں سفارشات مسترد کر تے عوام کوں ریلیف ݙتے، وزیر مملکت فرخ حبیب
مضمون کا ماخذ : اسکریچ کارڈ جیتنے کے طریقے
متعلقہ مضامین
