اسلام آباد۔4مارچ (اے پی پی) وزیر اعظم عمران خان ورچوئلی شرکت کریندیں ہوئیں ای سی او سربراہ کانفرنس دا اڄ آغاز کریسن۔ خمیس کوں وزیراعظم آفس دے میڈیا ونگ توں جاری بیان دے مطابق 13 ویں ای سی او سربراہ کانفرنس مارچ 2017 اچ اسلام آباد اچ تھئی ہئی اتے آلی 13 ویں سربراہ کانفرنس پاکستان کوں چیئرمین چݨیا ہئی۔ وزیراعظم عمران خان 14 ویں ای سی او سربراہ کانفرنس دا آغاز کریسن جڈانجو 14 ویں سربراہ کانفرنس ترکی دے صدر رجب طیب اردوان دی صدارت اچ تھیسی۔ ایں سربراہی کانفرنس دا موضوع کووڈ19 بارے علاقائائی اقتصادی تعاون اے۔ کورونادے چیلنجز پاروں پاکستان دانقطہ نظر پیش کریندیں ہوئیں وزیراعظم تجارت اتے رابطے ودھاوݨ دے ای سی او دے بنیادی اصولاں دے مطابق علاقائی اقتصادی ترقی سانڳے آپݨے ویژن بارے ݙسیسن۔ پاکستان ایران اتے ترکی نال ای سی او دے بانی ممبران اچ شامل اے۔ ایں تنظیم دا قیام 1985 اچ علاقائی تعاون برائے ترقی آر سی ڈی دے خاتمے دے بعد عمل اچ آیا۔ افغانستان ، آذربائیجان ، قازقستان ، کرغزستان ، تاجکستان ، ترکمانستان اتے ازبکستان بعد ازاں ای سی او دے ممبر دے طور شامل تھیے۔
وزیر اعظم عمران خان ورچوئلی شرکت کریندیں ہوئیں ای سی او سربراہ کانفرنس دا اڄ آغاز کریسن، اسلام آباد اچ تھیوݨ آلی 13 ویں سربراہ کانفرنس پاکستان کوں چیئرمین چݨیا ہئی
مضمون کا ماخذ : ایڈونچر کی کتاب
متعلقہ مضامین
