اسلام آباد ۔ 14 نومبر (اے پی پی) وزیراعظم عمران خان آکھیا جو کرتارپور راہداری کھولنڑ دا کم اسلامی اصولاں،قائد اعظم دے پرامن ہمسائیگی دے تصور ات اتے پاکستان دی بین المذاہب ہم آہنگی دے ودھارے دی پالیسی دے عین مطابق اے۔خمیس کوں وزیراعظم میڈیا ہاﺅس توں جاری بیان دے مطابق وزیراعظم عمران خان تاریخی گوردواراں دی دستاویزی کتاب ”ٹرائسٹ ود ٹریز“ دے مصنف ڈی ایس جسپال نال ملاقات اچ گالھ مہاڑکریندیں ہوئیں آکھیا جو باباگرونانک دے 550ویں جمنڑ ڈینھ دے موقع تے کرتارپور صاحب راہداری کھولنڑ دا تاریخی کم باباگرونانک دے منڑ آلے اتے خصوصی طور بھارت اچ وسنڑ آلی سکھ برادری دی پرانڑی خواہش تے کیتا گئے ۔ ڈی ایس جسپال ’ وزیراعظم داتاریخی کرتارپور راہداری کھولنڑ تے اتے پاکستان اچ سارے سکھ یاتریاں سانگے گرمجوشی نال میزبانی تے انہاں دا شکریہ ادا کیتا۔
مضمون کا ماخذ : کلیوپیٹرا
