اسلام آباد ۔ 3 جون (اے پی پی) برٹش ایئر ویزدی پہلی پروازسنوار دی سویل اسلام آباد دے بین الاقوامی ہوائی اڈے تے لینڈ کیتا۔ برٹش ایئر ویز ڈاہ سال دے وقفے دے بعد پاکستان کیتے اپنڑیاں پروازاں دا سلسلہ ولا شروع کر ڈتے ۔ لندن دے ہیتھرو ایئرپورٹ توں روانہ تھیونڑ آلی پہلی پرواز سنوار دی سویل 240 مسافراں کوں گھن تے اسلام آباد دے بین الاقوامی ہوائی اڈے تے پج گئی اے ۔ ہوا بازی دے وزیرغلام سرور خان،وزیراعظم دے مشیرعبدالرزاق داﺅد، باہرلے ملک پاکستانیاں دے امور دے معاون خصوصی ذوالفقار حسین بخاری، ایوی ایشن ڈویژن اتے برطانوی ہائی کمیشن دے اعلیٰ حکام اسلام آباد دے بین الاقوامی ہوائی اڈے تے مسافروں دا استقبال کیتا۔ واضح رہے جو ایہا پرواز مسافراں کوں گھن تے اسلام آباد توں واپس ہیتھرو کیتے وی روانہ تھیسی ۔
مضمون کا ماخذ : امکان ہے کہ میگا سینا
