اسلام آباد ۔ 19 نومبر (اے پی پی) مشترکہ مفادات کونسل ملک اچ ودھدی آبادی دے مسلے نال نبڑن کیتے قومی اتے صوبائی سطح تے ٹاسک فورس بنڑاونڑ دا فیصلہ کیتے، ایں سانگے قومی ٹاسک فورس دی اگوانڑی وزیراعظم جڈاں جو صوبائی ٹاسک فورسز دی نگرانی وزرائے اعلیٰ کریسن، قابل تجدید توانائی دے استعمال اتے وپاری سرگرمیاں اچ سوکھ کیتے توجہ ڈیونڑ تے اتفاق کیتا گئے۔مشترکہ مفادات کونسل دا اجلاس وزیراعظم عمران خان دی صدارت اچ تھئے جیندے اچ وزیر برائے بین الصوبائی ہم آہنگی ڈاکٹر فہمیدہ مرزا، وزیر خزانہ اسد عمر، وزیر قانون و انصاف محمد فروغ نسیم، وزیر نجکاری محمد میاں سومرو، وزیر اعلیٰ پنجاب سردار عثمان بزدار، وزیر اعلی سندھ مراد علی، وزیر اعلیٰ خیبرپختونخوا محمود خان، وزیر اعلیٰ بلوچستان جام کمال، وزیراعظم دے مشیر برائے تجارت و صنعت عبدالرزاق داﺅد، وفاقی و صوبائی سیکرٹریز اتے سینئر حکام شرکت کیتی۔ اجلاس اچ ودھدی آبادی دے معاملے تے غور کیتا گیا جیہڑی 2.4 فیصد سالانہ دی شرح اضافہ نال 20 کروڑ 78 لکھ اے،اجلاس اچ فیصلہ کیتا گئے جو قومی اتے صوبائی ٹاسک فورساں 48 گھنٹے اچ مکمل کر گھدیاں ویسن جیہڑیاں سپریم کورٹ آف پاکستان دے احکامات تے بنڑن آلیاں ٹاسک فورس دیاں سفارشات تے غور کریسن اتے مشترکہ مفادات کونسل کوں جامع لائحہ عمل پیش کریسن۔ایں لائحہ عمل اچ اگو تے دی حکمت عملی، مالیاتی پہلواتے جامع پاپولیشن کنٹرول پروگرام دی کامیابی کیتے سارے طبقیاں دی حمایت گھنڑ کیتے امور ڈٹھے ویسن۔اجلاس اچ ڈو آر ایل این جی پلانٹس نیشنل پاور پارکس مینجمنٹ کمپنی لمیٹڈ دی ملکیت 1223 میگاواٹ دے بلوکی اتے 1230 میگاواٹ دے حویلی بہادر شاہ کو ں تیکھے عملدرآمد کیتے نجکاری پروگرام دی فعال فہرست اچ رلاونڑ دی تجویز دی وی اصولی منظوری ڈتی گئی۔
مشترکہ مفادات کونسل دا اجلاس؛ودھدی آبادی نال نبڑن کیتے قومی اتے صوبائی سطح تے ٹاسک فورس بنڑاونڑ دا فیصلہ
مضمون کا ماخذ : لاٹری کے سستے ٹکٹ
متعلقہ مضامین
