اسلام آباد ۔ 19 نومبر (اے پی پی) وفاقی وزیر ریلوے شیخ رشید احمد کوں راولپنڈی انسٹیویٹ آف کارڈیالوجی (آر آئی سی) توں ڈسچارج کر ڈتا گے ،گزریل ڈینھ انہاں کوں سینٹے اچ تکلیف پاروں ہسپتال گھن آیا گیا ہئی جتھاں سینئر ڈاکٹراں انہاں دی انجیو گرافی کیتی ہئی ،ڈاکٹراں مزید 10ڈینھ آرام دا مشورہ ڈتے ۔وفاقی وزیر ریلوے شیخ رشید احمد دے بھتریجے شیخ راشد شفیق منگل کوں اے پی پی نال گال مہاڑ کریندے ہوئیں ڈسائے جو شیخ رشید احمد دیاں ساریاں رپورٹاں کلیئر آونڑ دے بعد منگل دی سویل راولپنڈی انسٹی ٹیوٹ آف کارڈیالوجی دے ایگزیکٹو افیسر لیفٹیننٹ جنرل (ر) ڈاکٹر اظہر کیانی شیخ رشید دا معائنہ کیتا جیں دے بعد انہاں کوں گھر ونجنڑ دی اجازت ڈے ڈتی گئی ۔
مضمون کا ماخذ : آن لائن اسکریچ کارڈز
