اسلام آباد ۔ 2 جولائی (اے پی پی) پاکستان تحریک انصاف دے رہنما جہانگیر ترین آکھیے جو زراعت دی ترقی نویں پاکستان دے وژن دے بنیادی نکات اچ شامل اے ، اٹھارہویں آئینی ترمیم دے بعد زراعت دا شعبہ صوبیں دی ذمے واری اے تاں جو وفاق ملکی معیشت دے ایں اہم شعبے دی ترقی کیتے اپنڑاں قائدانہ کردار ادا کریندا پئے ۔اے گال انہاں منگل کوں وفاقی وزیر غذائی تحفظ و تحقیق صاحبزادہ محبوب سلطان دے رلے سانجھی پریس کانفرنس کریندے ہوئیں آکھی اے ۔انہاں آکھیا تحریک انصاف دی حکومت زراعت دی ترقی کیتے بھرپور کردار ادا کریندی پئی اے کیوں جو اے شعبہ ملکی معیشت اچ ریڑھ دی ہڈی دی حیثیت رکھیندے ۔انہاں آکھیا اٹھارہویں ترمیم دے بعد زراعت دا شعبہ صوبیں ڈے چلیا گے تاں جو لیڈر شپ وفاق توں آندی اے ایں کیتے زراعت دی ترقی کےتے وفاق اپنڑاںقائدانہ کردار ادا کریندا پئے ،ایں سلسلے اچ وفاقی حکومت صوبیں دے انل رل تے کم کریسی ۔جہانگیر ترین آکھیا جو گزریل ڈاہ سالاں اچ زراعت دی ترقی تے کوئی توجہ کائنی ڈتی گئی جیں پاروں زرعی برآمدات گھٹ تھن ،حکومت زرعی برآمدات ودھاونڑ کیتے اقدامات کریندی پئی اے ۔انہاں آکھیا جو زراعت دے شعبے کوں پانڑیں دی فراہی کیتے 230ارب روپے رکھیے گن ، زرعی شعبے اچ نجی شراکت داری نال بہتر نتیجے حاصل کیتے ونج سگدن ،ایں شعبے دی ترقی کیتے سیاست توں بالاتر تھی تے کم کرنڑاں ہوسی ۔انہاں آکھیا خیبرپختونخوا اچ زراعت دے حوالے نال چھوٹے وڈے منصوبیں تے کم جاری اے ۔اینویں سندھ اچ وی اقدامات کیتے ویندے پن ۔ جہانگیر ترین آکھیا جو زراعت دی ترقی کےتے چھوٹے وڈے ڈیم بنڑائے ویندے پن ،واٹر پکے کرنڑ دا کم وی جاری اے ،ملک اچ 70ہزار پانڑیں لاونڑ کیتے واٹر پکے کریسوں ایندے علاوہ کنڑنک تے بیاں فصلاں دی پیداوار اچ ودھارے تے وی توجہ ڈتی ویندی پئی اے ۔ وفاقی وزیر غذائی تحفظ و تحقیق صاحبزادہ محبوب سلطان ایں موقع تے آکھیا جو زراعت دی ترقی کےتے 13 نویں منصوبے شروع کیتے ویندے پن جیرھے چار سال دی مدت اچ پورے تھیسن ،انہاں آکھیا جو اے منصوبے پورے تھیونڑ نال ملک اچ زرعی انقلاب آسی ۔
زرعی ترقی نویں پاکستان دے وژن دے بنیادی نکات اچ شامل اے ،پاکستان تحریک انصاف دے رہنما جہانگیر ترین دی وفاقی وزیر غذائی تحفظ و تحقیق صاحبزادہ محبوب سلطان دے رلے پریس کانفرنس
مضمون کا ماخذ : بولو دا میگا سینا
متعلقہ مضامین
