اسلام آباد ۔ 9 مارچ (اے پی پی) سیکرٹری خارجہ تہمینہ جنجوعہ آکھیے جو پاکستان خطے دی ترقی تے امن سانگے امریکہ توں اپنڑے طویل عرصے تے محیط تعلقات کوں مزید مستحکم کرنڑ چاہندے ۔انہاں اے گال اپنڑے 7تے 8مارچ کوں کیتے ونجنڑ آلے دورہ امریکہ دے دوران نائب امریکی وزیر خارجہ جان سلوین اتے وائٹ ہاوس اچ امریکی نائب مشیر نیشنل سکیورٹی ڈاکٹر نادیہ سچدلو نال ملاقاتاںدے دوران کیتا ۔ تہمینہ جنجوعہ امریکن انسٹیٹیوٹ آف پیس اچ جنوبی ایشیا بارے ماہرین اتے امریکی میڈیا دے نمائندیں نال تفصیلی ملاقاتاں کیتیاں تے آکھیا سانجھے تعاون تے مبنی پکے پاک امریکی تعلقات خطے دے سارے مسلیں دے خاتمے اچ معاون ثابت تھیسن ۔سیکر ٹری خارجہ خطے اچ پائیدار امن تے استحکام سانگے پاکستان دی مثبت تے تعمیری سوچ دا اعادہ کیتا ۔انہاں آکھیا جو ہر ڈو ملکاں اچ اقتصادی رابطے دی موثر استواری تے ایندے اچ ودھارے نال ڈوہیں ملکاں دے عوام وچال تعلقات دے نویں باب رقم تھیسن ۔تے سانجھے تعلقات کوں ودھارا تھیسی تے ایں لمبی مدت دے تعاون نال ترقی دے نویں دروازے کھل ویسن ۔
پاکستان خطے دی ترقی تے امن سانگے امریکا نال اپنڑے طویل عرصے تے محیط تعلقات کو ںمزید مستحکم کرنڑچاہندے سیکرٹری خارجہ تہمینہ جنجوعہ دی امریکی عہدیداراں نال ملاقاتاں اچ گال بات
مضمون کا ماخذ : نمبروں دا میگا سینا
متعلقہ مضامین
