اسلام آباد ۔ 20 مئی (اے پی پی) وزیرتجارت خرم دستگیرخان آکھیا جو حکومت توانائی دے مختلف منصوبیاں تے کم کریندی پئی اے،توانائی دے منصوبیاں نال مرحلہ وار پیداوار شروع تھیسی،پاک چین اقتصادی راہداری دے تحت بجلی اتے توانائی دے کئی منصوبے پورے تھیسن۔انہاں آکھیا جو ساہیوال کول پاورپلانٹ توں پیداوار دا آغاز تھی گئے ،توانائی دے کئی زیر تکمیل منصوبیاں نال مرحلہ وار پیداوار شروع تھیسی۔خرم دستگیر خان آکھیا جو حکومت گھٹ مدت اچ 17000میگاواٹ دا ہدف حاصل کیتے۔ہک سوال دے جواب اچ انہاں آکھیا جو ماضی اچ لوڈشیڈنگ دے مسئلے نال نبڑنڑ سانگے عملی اقدامات کائنی کیتے گئے جئیں پاروں اے مسئلہ پیدا تھیا جڈانجو اجوکی حکومت ایں مسئلے دے حل سانگے سنجیدہ کوششاں کریندی پئی اے۔
مضمون کا ماخذ : پاور بال کے اعدادوشمار
