کراچی۔ 27 نومبر (اے پی پی)خود انحصاری دے تحت پاک بحریہ کیتے بنڑن آلے پاکستان دے پہلے فاسٹ اٹیک کرافٹ (میزائل) جہاز نمبر 4 دی لانچنگ تقریب کراچی شپ یارڈاچ تھئی جیندی مہمان خصوصی وفاقی وزیر دفاعی پیداوار زبیدہ جلال ہن۔تقریب اچ پاک بحریہ، بری افواج، سرکاری، نجی اداریاں اتے شپ یارڈ دے اعلیٰ افسران وی وموجود ہن۔اے فولادی ہل اتے المونیم سپر اسٹرکچر آلا کثیر المقاصد جدید جنگی جہاز اے جیندی لمبائی 63 میٹر، ڈسپلیسمنٹ 560 ٹن اتے رفتار 30 ناٹ اے۔ جہازاچ جدید ملکی ساختہ دفاعی اتے بئے آلات ہوونڑ پاروں اے پاک بحریہ دا ہک طاقتور ہتھیار اے۔ وفاقی وزیر زبیدہ جلال پاک بحریہ اتے کراچی شپ یارڈ کوں خود انحصاری دے قومی اہداف دے حصول دو ہک شاندار قدم قرار ڈتے۔ انہاں آکھیے جو میڈی وزارت نویں شپ یارڈ دی تعمیر کیتے کوشش کریندی پئی اے۔ایم ڈی شپ یارڈ ریئر ایڈمرل اطہر سلیم وفاقی وزیر کوں شپ یارڈدے عالمی معیار دے منصوبیاں،شپ یارڈ دے تعمیر اتی ڈھانچے دی بہتری اتے پاک بحریہ کیتے آبدوزاں دی تیاری بارے ڈسایا۔
خود انحصاری دے تحت بنڑن آلے پاکستان دے پہلے میزائل بردار جہاز دی لانچنگ
مضمون کا ماخذ : estatísticas quina
متعلقہ مضامین
