اسلام آباد ۔ 28 جون (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان ’ وزیر اعظم آفس دے بجٹ ودھاونڑ دے الزام دی مذمت کریندیں ہوئیں آکھیا جو ڈسائے ونجنڑ آلے ہک ارب17کروڑ روپے دے بجٹ اچ 30کروڑ90لکھ این ڈی ایم اے سانگے مختص ہن جئیں دا وزیراعظم آفس دے خرچیاں نال کوئی تعلق کائنی،این ڈی ایم اے دے بجٹ کوں اتے محکمے کوں گزریل حکومت وزیراعظم آفس دے ماتحت کیتا ہئی۔جمعے کوں اپنڑے بیان اچ انہاں آکھیا جو وزیراعظم آفس سانگے سال 2019-20 دا بجٹ 86 کروڑ 30 لکھ اے جڈانجو سال2018-19 دا بجٹ 98 کروڑ 60 لکھ ہئی ۔انہاں ڈسیا جو وزیراعظم عمران خان گزریل سال دے بجٹ اچوں 32فیصد بچایا اتے او پیسہ قومی خزا نے اچ جمع کروا ڈتا گیا،19۔2018 دے بجٹ اچ 91 کروڑ وزیر اعظم سیکٹریٹ سانگے مختص ہن جئیں اچوں 41فیصد بچا گھدا گئے ۔
مضمون کا ماخذ : وائکنگز گو برزرک
