اسلام آباد ۔ 17 جولائی (اے پی پی) وزیراعظم عمران خان بدھ کوںگو جرانوالہ چیمبر آف کامرس دی سالانہ تقریب تقسیم انعامات توں خطاب کیتا۔ وزیراعظم دے مشیر تجارت عبدالرزاق داﺅد وی ایں موقع تے موجود ہن۔وزیراعظم عمران کان آکھیا جو کوئی وی پریشر یا ہڑتال اساکوں پیچھی تے نی ہٹا سگدی، پیچھی تے ہٹنڑ ملک تے قوم نال غداری ہو سی۔انہاں آکھیا جو فیڈرل بورڈ آف ریونیو اچ اصلاحات کرتے خودکار نظام لاتا ویسی۔وزیراعظم آکھیا جو سمگلنگ روکنڑ سانگے کریک ڈاﺅن کیتا ویسی، ایں بارے سارے فریقین اتے سکیورٹی ایجنسیاں کوں اعتماد اچ گھدا ویسی۔انہاں آکھیا جو میڈا جیونڑ مرنڑ پاکستان اچ ہے، باہرلے ملک نہ تاں میڈی کوئی جائیداد ہے اتے نہ ہی کوئی اکاﺅنٹ ہے۔انہاں آکھیا جو سابقہ حکمراناں منی لانڈرنگ کر تے پیسہ باہرلے ملک بھجوا تے جائیداں بنڑائیاں ، انہاں دا احتساب کائناں روکسی۔ وزیراعظم عمران خان آکھیا جو گزریل 10 سالاں اچ ملکی بیرونی قرضے 6 ہزار ارب توں 30 ہزار ارب تئیںپج گن، انہاںقرضیاں تے کٹھے تھیونڑ آلے کل مجموعی ٹیکس دا ادھ سود سانگے ڈیونڑ پونادا پئے، ایف بی آر دی رپورٹ مطابق 70 فیصد پاکستانیاں داٹیکس 300 کمپنیاں ڈیندیاں ہن، ڈوجھے پاسے خدمات اتے زراعت دے شعبے گھٹ ٹیکس ڈیندے پن۔ انہاں آکھیا وج مطالبہ سامنڑے آ ندا پئے جو اساڈے تے فکس ٹیکس لاگو کرڈتا ونجے لیکن ٹیکس نیٹ اچ نہ لاتا ونجے کیونجو انہاں لوکیں کوں ایف بی آر تے اعتماد کائنی،ایں سانگے موجودہ حکومت ایف بی آر اچ اصلاحات تے تکھے کم کر یندی پی ہے، ایف بی آر اچ خودکار نظام گھن تے آندے پئے ہسے۔ انہاں آکھیا جومیں تے میڈی ٹیم کاروباری طبقہ دے نال مسلسل رابطے اچ ہے، تاجر برادری کوں یقین ڈیوندوں جو انہاں دا مسئلہ حل کیتا ویسی۔ انہاں آکھیا جو جیرھے معاشراں ترقی کیتی ہے اتھاں کمزور اتے طاقتور سانگے ہکو قنون ہے۔
وزیراعظم عمران خان دا ٹیکس دی بنیاکوں ودھاونڑ دا پکا عزم وزیراعظم عمران خان دا گوجرانوالہ چیمبر آف کامرس دی سالانہ تقریب تقسیم انعامات توں خطاب
مضمون کا ماخذ : فروٹ شاپ
متعلقہ مضامین
