اسلام آباد ۔ 15 اپریل (اے پی پی) عدالت عالیہ اسلام آباد چیئرمین سینیٹ صادق سنجرانی دے قائم مقام صدر بنڑن دے خلاف درخواست مسترد کریندے ہوئیں انہاں کوں قائم مقام صدر بنڑن سانگے اہل قرار ڈتے۔ جسٹس عامر فاروق چیئرمین سینیٹ صادق سنجرانی دے قائم مقام صدر بنڑن دے خلاف دائر درخواست تے 14 فروری کوں محفوظ کیتا ہویا فیصلہ سنڑایا ۔عدالتی فیصلے اچ چیئرمین سینیٹ صادق سنجرانی کو ں صدر مملکت دی غیرموجودگی اچ قائم مقام صدر سانگے اہل قرار ڈتا گئے اتے شہری افضل شنواری دی درخواست مسترد کر ڈتی گئی ہے۔درخواست گزار دا موقف ہا جو آئین مطابق 45 سال توں گھٹ عمر دا بندہ صدر دے عہدے دا اہل کائنی،اتے صادق سنجرانی دی عمر 45 سال توں گھٹ ہے۔ یاد رہوے جو چیئرمین سینیٹ صادق سنجرانی خلاف 21 جون 2018 کوں شہری افضل شنواری درخواست ڈتی ہائی۔
مضمون کا ماخذ : لاٹری کی تجزیاتی ایپ
