اسلام آباد ۔ 20 نومبر (اے پی پی)وزیراعظم عمران خان آکھیا جو حکومتی اقدامات پاروں غیر ملکی سرمایہ کاری ودھی اے،پالیسیاں اچ تسلسل نال سرمایہ کاراں دا اعتماد بحال تھیے،پاکستان اچ ساریاں توں ودھ ترقی دی صلاحیت اے،کرپشن ملک دا بہوں ضیان کیتے،معاشی ٹیم دی کوششاں نال روپے قدر مستحکم تھئی اے،برآمدات ودھی اے،اجوکی حکومت دی طویل مدتی پالیسیاں تے عمل کریسی۔اے گالھیں انہاں بدھ کوں اتھاں برآمد کنندگان اچ سیلز ٹیکس اتے انکم ٹیکس دے ریفنڈز دی تقریب نال خطاب کریندیں ہوئیں آکھی۔انہاں آکھیا جو وزیراعظم دا منصب سانبھیا تاں ساریاں توں وڈا مسئلہ 19ارب ڈالر دا کرنٹ اکاﺅنٹ خسارہ ہئی،غیرملکی زرمبادلہ دے ذخائر کائنا ہن،لوک ڈالرز اچ ٹرانزیکشن کریندے پے ہن،کرنسی دی قدر گھٹ تھیندی ویندی ہئی۔وزیراعظم آکھیا جو اجوکی حکومت دی معاشی ٹیم دی کوششاں نال روپے دی قدر ٹک گئی اے۔عمران خان آکھیا جو بھارت اتے بنگلہ دیشن اساں توں اگوں نکل گن،انہاں آکھیا جو انہاں کوں غیرمعمولی ترقی کائنی کیتی پر اساں پچھی تے چلیے گیوں،پاکستان ریکوڈک جیہی نعمتاں توں مالا مال اے،صرف ڈو کاناں دا منافع 100ارب روپے بنڑدے،کارکے مقدمے اچ ترکی دے صدر طیب اردوان دی کوششاں نال 170ارب روپے بچائن۔
حکومتی اقدامات پاروں غیر ملکی سرمایہ کاری ودھی اے ،وزیراعظم عمران خان دا برآمد کنندگان اچ سیلز ٹیکس اتے انکم ٹیکس دے ریفنڈز دی تقریب نال خطاب
مضمون کا ماخذ : پاور بال آن لائن خریداری
متعلقہ مضامین
