اسلام آباد ۔ 27 جون (اے پی پی) صدر مملکت ڈاکٹر عارف علوی نال نیدر لینڈ دی سفیر مس آردی بریکن خمیس کوں ایوان صدر اچ چھیکڑی ملاقات کیتی۔ صدر مملکت نیدر لینڈ دی سبکدوش تھیونڑ آلی سفیر کوں پاکستان اچ اپنڑیں تعیناتی دی مدت کامیابی نال پوری کرنڑ تے مبارخبا د ڈتی اتے پاکستان تے نیدر لینڈ وچال ڈوطرفہ تعلقات ودھاونڑ سانگے انہاں دی کوششاں دی تعریف کیتی ۔ صدر مملکت آکھیا جو ڈوہائیں ملکاں وچال یاری آلے چنگا تعلقات ہن،جنہاں کوں یورپی یونین دے تناظر اتے ڈوہائیں ملکاں دے عوام دے سانجھے فائدے کیتے مستحکم کرنڑ سانگے بی کوششاں دی ضرورت ہے۔ صدر مملکت دا آکھنڑ ہا جو ڈوہائیں ملکاں وچال ڈوطرفہ تجارت ودھاونڑ دی ضرورت ہے۔نیدر لینڈ دی سفیر مس آردی بریکن صدر مملکت کوں اپنڑے ملک ولوں ہر تعاون دا یقین ڈیوایا۔
مضمون کا ماخذ : خوش قسمت لڑکی
