اسلام آباد ۔ 21 مارچ (اے پی پی) چیئرمین سینیٹ صادق سنجرانی آکھیے جو بھارت ولوں کشمیریاں دا قتل عام قابل مذمت اے ، پاکستان کشمیریاں دی سیاسی، سفارتی اتے اخلاقی حمایت جاری رکھیسی۔ ہک جاری تھیونڑ آلی پریس ریلیز دے مطابق وزیر اطلاعات آزاد کشمیر راجہ مشتاق منہاس چیئرمین سینیٹ صادق سنجرانی نال اسلام آباد اچ ملاقات کیتی ۔ ملاقات اچ ملکی اتے کشمیر دی صورتحال تے گال مہاڑ کیتی گئی ۔ وزیر اطلاعات چیئرمین سینیٹ کوں لائن آف کنٹرول دی تازہ ترین صورتحال دا ڈسایا۔ انہاں ڈسائے جو بھارتی فوج مسلسل لائن آف کنٹرول دی خلاف ورزی کر یندی پئی اے ، بھارت ولوں کشمیریاں دا قتل عام جاری اے۔ چیئرمین سینیٹ ایں موقع تے ایں عزم دا اعادہ کیتے جو کشمیریاں دی جدوجہد آزادی دی اخلاقی، سیاسی اتے سفارتی حمایت جاری رکھیسی ۔ وزیر اطلاعات آزاد کشمیر چیئرمین سینٹ کوں آزاد کشمیر دے دورے دی دعوت وی ڈتی ۔
پاکستان کشمیریاں دی سیاسی، سفارتی اتے اخلاقی حمایت جاری رکھیسی ،چیئرمین سینیٹ صادق سنجرانی
مضمون کا ماخذ : ٹمپل ٹمبل
متعلقہ مضامین
