اسلام آباد ۔ 5 ستمبر (اے پی پی) وفاقی وزیر صاحبزادہ محبوب سلطان سوات اچ ٹراﺅٹ فش فارمنگ پروگرام دا باقاعدہ افتتاح کرڈتے۔ وزیراعظم دے ایگریکلچر ایمرجنسی پروگرام مطابق ایں منصوبے تے 2 ارب 35 کروڑ 50 لکھ روپے لاگت آوسی۔خمیس کوں وفاقی وزیر غذائی تحفظ تے تحقیق صاحبزادہ محبوب سلطان منصوبے دی افتتاحی تقریب توں خطاب کریندے ہوئیں آکھیا جو پاکستان کوں اللہ سائیں دریاواں، جھیلاں اتے نہراں دی شکل اچ قدرتی وسائل نال مالا مال کیتے۔ انہاں آکھیا جو پاکستان کنوں 1100 کلومیٹر طویل ساحلی پٹی موجود ہے جیندی وجہ نال ماہی پروری دے امکانات روشن ہ۔انہاں آکھیا جوایں شعبہ آلے پاسے اوں طرح توجہ نی ڈتی گی جیندا ایہ شعبہ مستحق ہا۔ انہاں آکھیا جو پاکستان اچ فی بندہ مچھلی دا استعمال بہوں گھٹ یعنی 2 کلوگرام سالانہ ہے جڈاں جو دنیا اچ ایہ اوسط 20 کلو ہے۔ انہاں آکھیا جو وزیراعظم اقتدار اچ آندے ہی زرعی شعبہ خاص کر ماہی پروری اتے لائیو سٹاک کو ں ترجیح ڈتی، وزیراعظم زرعی ایمرجنسی پروگرام تحت بنڑائے گی ٹاسک فورس فشریز سیکٹر دی بحالی کیتے صوبائی محکمیاں نال صلاح مشورے دے بعد ترائے ترجیحات بنڑائیاں اتے تریوے منصوبیں تے کم شروع تھی گئے ۔
وفاقی وزیر صاحبزادہ محبوب سلطان سوات اچ ٹراﺅٹ فش فارمنگ پروگرام دا باقاعدہ افتتاح کرڈتے
مضمون کا ماخذ : پیش گوئی اور حکمت عملی
متعلقہ مضامین
