کراچۍ 24 اکتوبر (اے پي پي) د اطلاعات او خپرونو وفاقي وزير سناتور پروېز رشید وئيلي دي عمران خان د نادر شاهي سیاست كوي ٬ په سړكونو اړي ګړي ٬فتنه او د فساد سياست به د ټولو جمهوري قواٶ سره په ګډه مقابله كوٶ٬ د دھرنې سياست كوٶنكي د پاكستان پرمختګ ليدل نه غواړي٬ د عدالتي نوټس نه پس د دهرنې هېڅ جواز نه پاتې كېږي٬ كه عمران خان په ستره محكمه باور لري نو د عدالتي پرېكړې دې انتظار وكړي٬ د سركار په كار كښې كه مداخلت وكړې شو نو قانون به په حركت كښې راځي۔ دا خبرې ده د ګل په ورځ د نوموړي قوال امجد صابري په استوګنه كښې خبريالانو سره خبرو كښې وكړې۔ سناتور پروېز رشيد ووئيل سترې محكمې د عمران خان پشمول ټولو ډلو ته نوټس جاري كړې ٬ وزیراعظم د عدالتي نوټس هركلے كړې٬ عدالت ته به ځو دغسې چې د عمران خان دروغ بې نقابه كړې شو۔ ده ووئيل پخوا په سړكونو پرېكړو هېواد ته زيان رسولې ۔د يو پوښتنې په ځواب كښې وفاقي وزير ووئيل د متنازعه خبرد معاملې پلټنې روانې دي چې پلټنې بشپړ شي نو راپور به ميډيا ته وړاندې كولې شي ۔ ده ووئيل حكومت ته ګوته نيوٶنكو كښې عمران خان او اعتزاز احسن شامل دي او دواړه چې د كومې غونډې خبرې كوي په ھغې كښې د دواړو ګوندونو اعلٰې وزيران موجود وو٬ بيا زلې ګوتې يوازې مونږ ته پورته كېږي؟ ده ووئيل پاکستان كښې د اكتوبر مياشت د محلاتي سازشونو مياشت پاتې ده او دې سازش ښكار وړومبې لياقت علي خان ګرځېدلې ٬ ده ووئېل د اكتوبر په 7مه نيټه 1999 كښې د وزیراعظم محمد نواز شریف په ضد سازش شوے ؤ ٬ په پخوانۍ وزیراعظمې بېنظیر بھټو اکتوبر 2007 كښې قاتلانه بريد شوے ؤ ۔د امجد صابري د قاتلانو نيولو د پوښتنې په ځواب ده ووئيل په دې لړ كښې د پېشرفت پحقله د سندھ حكومت ښه ځواب وركولې شي ٬ پخوا هم كراچۍ كښې د لويو جرمونو ككړ كسان نيولي شوي ۔ ده ووئيل ارواښاد امجد صابري په نړۍ كښې د پاكستان نامه روښانه كړې٬ د امجد صابري د بچو پالنه به حكومت بيا لپاره هم كوي۔ دې څخه وړاندې وفاقي وزير پروېز رشيد د نوموړي قوال امجد صابري كورودانې سره ملاقات وكړو او د وزیراعظم محمد نواز شریف لخوا اعلان كړې شوې د يو كروړ روپو مرستې چېك ئې ھغې ته وركړو۔(ص ف/ض ض/ګ ل/2148)
په سړكونو د اړې ګړې او فساد راجوونكې سياست به د ټولو جمهوري قواٶ سره په ګډه مقابله كوٶ
مضمون کا ماخذ : سانتا کا سرپرائز
متعلقہ مضامین
.jpg)
